أقسام المكتبة الادبية
 قصيدة مختارة:
 البحث في المكتبة الأدبية:
 الصفحة الرئيسية » المكتبة الأدبية » الشعر الشعبي » ليكم رجعنه يجري دمعنه
 الشعر الشعبي

المقالات ليكم رجعنه يجري دمعنه

القسم القسم: الشعر الشعبي الشخص الكاتب: السيد سعيد الصافي التاريخ التاريخ: ٢٠١٨/٠٢/٢٨ المشاهدات المشاهدات: ٢٣٢ التعليقات التعليقات: ٠

ليكم رجعنه يجري دمعنه

السيد سعيد الصافي

ليكم رجعنه

كافلنه عباس

 

يجري دمعنه

يوم الطلعنه

 

 

 

عنكم بجمعت شمل لمن مشينه
والقمر يضوي بدرب ليل الضعينه
وبمدامع تجرح الناظر إجينه
لسه نيشان الحبل بعده إعله إيدينه

من قّيدونه

تجرحنه جلمات

 

أسره خذونه

منهم سمعنه

 

 

 

عادت اليمشي إبدرب مو من رضاته
ويه كل خطوة جدم ينطر مماته
والأمر عين العدو إتصد الخواته
أشد من جرح القلب جرح الشماته

وإشلون أشله

هذا الدهر ليش

 

ربالي عله
فرّق شملنه

 

 

 

آنا يمحمد يعمي إشقد نخيتك
وإعله نار امن الصبر يا ما تنيتك
رجوة الما عنده كل والي إترجيتك
هل شفتني الوحّدي مهضوم إجيتك

إترك سؤالك

أبدي لك إمنين

 

خوفي إعله حالك
قصة وضعنه

 

 

 

جرح المصاب بسؤالك لا تلجمه
قلبي زين وقدرة إضلوعه تلزمه
يا قلب مثله الحمل صدمه إعله صدمه
طحنه يا عمي إبعدو الما عنده رحمه

يالطيبه ذاتك

ما تنمشي إدروب

 

إنشد خواتك
صعبه قطعنه

 

 

 

آنا كل حيلي المرض ما خله بيه
لو ردت أنهض أدور عن تجيه
والله ما صاير المصاب المر عليه
جرح إعيوني الدمع بالغاضريه

من هاجمونه

لأجساد أهلنه

 

وليه ولونه
نركض فزعنه

 

 

 

موقف الذكرني عن أول فجيعه
هجمت الدار وكسر ضلع الوديعه
والدي رد محني ظهره امن الشريعه
وإنقطع ظنه إويه الجفوف القطيعه

شفته إعتناني

كل هذا المصاب

 

للخيمه جاني
بسما جزعنه

 

 

 

يا علي يبني يقلي أرد أخبرك
فوض الرب الخلايق أمري وأمرك
خلي شيعتنه درس ينطيها صبرك
لمن بأرض البقيع إتصد لقبرك

إمهدم تشوفه

نصبر عالصار

 

لمن تطوفه
هذا طبعنه

 

 

 

إحنه دم البينه من أكرم فصيله
شيعه نتحده الزمن ما نشتكي له
موقف البلشام للنخوه الأصيله
صارت الأجساد حيطان العقيله

معنه الإراده

نتعنه زوار

 

حب الشهاده
رغم المنعنه

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017