أقسام المكتبة الادبية
 قصيدة مختارة:
 البحث في المكتبة الأدبية:
 الصفحة الرئيسية » المكتبة الأدبية » الشعر الشعبي » أربعين الإمام الحسين عليه السلام
 الشعر الشعبي

المقالات أربعين الإمام الحسين عليه السلام

القسم القسم: الشعر الشعبي الشخص الكاتب: عمار العيساوي الكربلائي التاريخ التاريخ: ٢٠١٨/٠٢/٢٨ المشاهدات المشاهدات: ٢٣٢ التعليقات التعليقات: ٠

أربعين الإمام الحسين عليه السلام

عمار العيساوي الكربلائي

خويه رديت الك كوم ونوّخ ناگتي

 

ها يعباس أريدك تشاهد حالتي

 

 

 

خويه هاليوم اجيتك عكب غيبة سبي
مامش اجدام يعباس اجيت احبي حبي
سلت الروح بالغياب كصدت ابمعتبي
ابطرك الثياب وصلتك يخويه ومعصبي

انهض يغالي

ويه الايتام مشيت واجيت ابلوعتي

 

شوف الجرالي

ها يعباس اريدك تشاهد حالتي

 

 

 

ويه الايتام اجيتك شسولف ياجرح
شبتدي وياك شكلك يموتني الشرح
بالطشت من شفت راس اخوك المنذبح
رغم الخضاب احس بيه مثل شمس الصبح

شمسه زهيه

لاچن ايزيد تقصد تزود امصيبتي

 

روح الزجيه

ها يعباس اريدك تشاهد حالتي

 

 

 

اتقصد ايزيد اذيتي ودليلي يهضمه
يظرب اشفاه اخويه ابعصاته ويشتمه
شفاهه تدري يعباس تفطرن بالضمه
لمن ايزيد ظربهن غدن يجرن دمه

صوب دليلي

عيني تشبح عليك وتهل ابدمعتي

 

وهدملي حيلي

ها يعباس اريدك تشاهد حالتي

 

 

 

خويه لوريد اخبرك عليه اللي جره
تنفض اتراب ضريحك تعيد الكنطره
جنت اريدك يعباس دليله اتجبره
اعتب اشلون واشوفن جفوفك عالثره

انسه عتابي

واصرخ ابصوت يعباس متخمد جمرتي

 

ولوعة مصابي

ها يعباس اريدك تشاهد حالتي

 

 

 

خويه عباس دليلي بمصابك جن جمر
شحمل امصاب والغياب يهد طود الصبر
شكفل ايتام والاحلام تفانت باليسر
انطر اتعود يعباس لجني اشأنتظر

آنه سبيه

هذا الفراك يعباس يكطع جبدتي

 

وأنته ابمنيه

ها يعباس اريدك تشاهد حالتي

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017