أقسام المكتبة الادبية
 قصيدة مختارة:
 البحث في المكتبة الأدبية:
 الشعر الشعبي

المقالات شام الآلآم

القسم القسم: الشعر الشعبي الشخص الكاتب: السيد زكي الياسري النجفي التاريخ التاريخ: ٢٠١٨/٠١/٣١ المشاهدات المشاهدات: ٢٩٤ التعليقات التعليقات: ٠

شام الآلآم

السيد زكي الياسري

يا خويه ردّينه

عشنه مُصايبها

 

من شام الآلآم

شفنه عَجايبها

من شام الآلآم

 

 

 

يا خويه جينه والدمع حادينه
تاخذنه شوغه وفاجعه اتودينه
يوم اربعينك يا شبل والينه
زينب أنه وجبت الحرم وسكينه
إنهض يبو السجاد عاين لينه

جينه ابمئاسينه

يم گبرك الليله

 

وي زين العباد

احچيله وشكيله

من شام الآلآم

 

 

 

يا خويه رَد ضعن الألم هذا اليوم
طيف الحزن بالمسره ويانه ايحوم
شوف الحرم يم الگبر يا مظلوم
كلمن تِعاتِب هالدهر دهر الشوم
رمله تِنادي گوم يا جاسم گوم
وليله اعله لكبر تنتحب يا جيدوم

وم الطفل صاحت

وسفه الگبر ضمّك

 

عبد الله چا وين

جيتك يبعد امك

من شام الآلآم

 

 

 

يا خويه درب الشام راوانه الويل
طوله المدامع تجري جريان السيل
خوف ومحن وآهات وهموم وليل
والشمر حادي وهالأمر هد الحيل
مسبيه إختك بين فرسان وخيل

وفوگ الرمح راسك

أسمع يشِد أزري

 

ينظر عالأيتام

صبري على اليجري

من شام الآلآم

 

 

 

يا خويه أدريبك شفت يبن الحيد
من دخلونه المَجلس الطاغي ايزيد
وحبال درب اليسر حفرت كل أيد
بالخيزرانه ايگيس راسك رعديد
واشويه لن گاع القصر بيه اتميد

ياخويه ذليته

من افضحت عاره

 

گدّام الأعوان

واكشفت أسراره

من شام الآلآم

 

 

 

جيت ارد اعاتب بالدمع يا عباس
وادري يخويه ابعمد مفطور الراس
ويديك مگطوعه وخميده الأنفاس
يا خويه عگبك ما رعونه الأرجاس
عالهزل ودونه وتِشاهدنه الناس

يا گمر حاچيني

يا كافل اضعوني

 

يا صاحب الجود

متورِّمه امتوني

من شام الآلآم

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017