أقسام المكتبة الادبية
 قصيدة مختارة:
 البحث في المكتبة الأدبية:
 الصفحة الرئيسية » المكتبة الأدبية » الشعر الشعبي » جنه أحباب ابنفس الدار
 الشعر الشعبي

المقالات جنه أحباب ابنفس الدار

القسم القسم: الشعر الشعبي الشخص الكاتب: وسام الشويلي التاريخ التاريخ: ٢٠١٧/١٢/١١ المشاهدات المشاهدات: ١٥٠٣ التعليقات التعليقات: ٠

جنه أحباب ابنفس الدار

وسام الشويلي

جنه أحباب ابنفس الدار

ردينه ابدمع الأيتام

 

واليوم انمركم زوار
جبنه اويانه اجروح الشام

 

 

 

عله أطراف الجرح نمشي اجينه بروح مشتاقه
تحن اقلوبنه اعليكم مثلما حنّت الناقه
من يوم اهدعش لليوم نحسب يمته نتلاقه
عجيبه اللي سكن بالروح نقدر نحمل افراقه

فرقتكم من طعم الموت

واعيون اليفقد متنام

 

جثه انسير ابلا تابوت
جبنه اويانه اجروح الشام

 

 

 

جنه أحباب مجتمعين مثل الجسد ويه الروح
هسه اشلون نحملها زياره انزوركم وانروح
اليزور ايجيب نذره اوياه واحنه اويانه جبنه اجروح
أول حاجه جبناها راس امن القفه مذبوح

آخر يوم النه ابعاشور

حسرتنه ابطول الأيام

 

فارقنه وردينه انزور
جبنه اويانه اجروح الشام

 

 

 

سوالف بالقلب كثره صعب لو ردنه نحجيها
أبد ما تنتهي القصه إذا بالدمعه نبديها
رقيه اشلون حالتها لونك تسأل اعليها
تجر حسرتها بفراقك مثل جرت تراجيها

كل لحظه اتناشد يحسين

منك شافت بس أحلام

 

وين الوالد سافر وين
جبنه اويانه اجروح الشام

 

 

 

رقيه آثار دمعتها على راسك يبو اليمه
عله اشفافك يوالدها عطر والروح تشتمه
أذكر راسك اتحضنه ابحذر واتقلي يا عمه
أظن حاضنته لو جرحه جبير ودمعتي اتلجمه

طفله وذابحها الإحساس

ما تحمل هاي الآلام

 

ماتت بالحسره اعله الراس
جبنه اويانه اجروح الشام

 

 

 

يخويه اهوايه خجلانه اجيت ابدمعتي أتعذر
راسك ما قدرت أحميه من ايد الظلم والشر
أقل إلهم اضربوني واتركوا اشفاف أبو الأكبر
يقلولي عله اعنادج نحرك بالعصه المنحر

كل ضربه التوقع عالراس

أنظر ألقه ابعينه اسهام

 

أبجي وأصرخ يا عباس
جبنه اويانه اجروح الشام

 

 

 

وي عباس شرد أحجي وإذا ندهنه ما يقعد
ضعني اشلون من دونك لديار المدينه ايرد
الينشد عن خدر زينب أقله أرجوك لا تنشد
خدري وي قمر عدنان يمه النهر متوسد

جانت ذيج الرايه احجاب

 

من طاحت شافونه أجناب

التقييم التقييم:
  ٠ / ٠.٠
 التعليقات
لا توجد تعليقات

الإسم: *
الدولة:
البريد الإلكتروني:
النص: *

 
شبكة المحسن عليه السلام لخدمات التصميم

Specialized Studies Foundation of Imam Al-Mahdi (A-S) © 2017