أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الصفحة الرئيسية » المكتبة الأدبية المهدوية » الشعر الشعبي » نتأمل يومك يالمهدي وصوتك ننتظره
 الشعر الشعبي

المقالات نتأمل يومك يالمهدي وصوتك ننتظره

القسم القسم: الشعر الشعبي الشخص الكاتب: جابر الكاظمي تاريخ الإضافة تاريخ الإضافة: ٢٠١٣/٠٦/١٠ المشاهدات المشاهدات: ١٥٣٩ التعليقات التعليقات: ٠

نتأمل يومك يالمهدي وصوتك ننتظره

جابر الكاظمي

نتأمل يومك يالمهدي وصوتك ننتظره

ترفع صرخات

 

يا ثار الزهره المظلومه يا ثار الزهره

ياللثارات

 

متى يالواهبك ربك شواخص من عزم حيدر
تشيل ابجفك الرايه وتزيل ابسيفك المنكر
الرواية اتكَول أنوارك من ركن الحجر تظهر
و تجر ترسانة اجيوشك وكتيبة موت تتصدر

وابذيج الساعة الموعوده و الحال اليحزن

و تدوي الصيحات

 

تتذكّر كسرة ضلع أمك تتذكّر محسن
ياللثارات

 

جهنم لو خفكَ سيفك عله اركَاب العده منذور
تسلّه و تجعل ابجفك أفلاك المنايه اتدور
تصيح بصوتك اليرهب وين أهل الكفر و الجور
وحكَ لوعة سكَط محسن إوضلع الطاهره المكسور

ما أترك ديّار إبداره و كل منزل قايم

هاي الأصوات

 

اكَلب سافلها بعاليها ويسمع كل ظالم
ياللثارات

 

اشلون أتناسّه ضلع أمي إوهجوم اللي جره اعله الدار
إشلون اغمد بعد سيفي و أنسه نكبة البسمار
مثل ما هجموا و حركَوا دار أمي الوديعه ابنار
اليوم أحركَ عروش الجور إبلهيب الرمح و البتار

آنه الموعود و آنه اللي ضلغ أمي اتهشم

ينثر جمرات

 

هاليوم أجعل رمحي البرزخ و السيف إجهنم
ياللثارات

 

تروح الوجدك إو حزنك يالمهدي إو تصد للباب
تصيح إبدمعك اليجري إهنا ضلع الوديعه انصاب
و هنا طيّحوا محسن إو صدر بنت الرسول إنعاب
إو ترجع للعده ابسيفك إو تحصد للأعادي إركَاب

تصرخ يا ضلع من الزهره بالباب اتكسر

إوتجذب حسرات

 

و اتجدد يالمهدي إبسيفك صفين إو خيبر
ياللثارات

 

لونّك تكَلب الوسعه وتزلزلها ابغضب سيفك
و لونّك تجعل الأجساد مرتع و الوحش ضيفك
ما ظنّك يبو صالح تشعر حققت طيفك
و لا أظن من أعاديّك ماخذ ثارك و حيفك

يالمهدي و لو سيفك زلزل أركان الوسعه

اتصيح العبرات

 

ميعادل هالعالم قطره من ادموع البضعه
ياللثارات

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016