أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات عين الطليعة

القسم القسم: الشعر الشعبي الشخص الكاتب: جابر الكاظمي تاريخ الإضافة تاريخ الإضافة: ٢٠١٣/٠٦/١٠ المشاهدات المشاهدات: ٣٧٦٠ التعليقات التعليقات: ٠

عين الطليعة

جابر الكاظمي

يالمهدي يومك صار

وراية علي الكرار

هالرايه تعرف وين

 

تترقبّك أنظار

تترجّه منك ثار

تلكَاها عالجفين

 

عين الطليعه

ضلع الوديعه

يمّ الشريعه

 

كل هذا العالم يتنطّر نورك يغايب
موعود و نتأمل تظهر والكل تراقب
ترفع رآية جدك حيدر ليث الحرايب
رايه البيها الهادي استبشر رسمت مناقب
راية الفتحت قلعة خيبر دحرت كتايب
رايه القطعت حبل المنكر وخلقت عجايب

 

راية خلود

 

ثبتت وجود

هالرايه من تنشال

اسمع رمحها اشقال

راية بطل صفين

 

تتراجف الأبطال

يالمهدي وعدك طال

تلكَاها عالجفين

 

حاملها جدك

منتظره وعدك

يم الشريعه

 

رايه ابجف حيدر شفناها اتخوض الملاحم
هالرايه الخالق يرعاها رب العوالم
عجزت توصلها و تدناها بيض الصوارم
جدك حيدر ما خلاها اتحس ابمظالم
يوم اللي الفاركَها انطاها لبدر الهواشم
جف العباس اتبناها بحر المكارم

صارت دليل

 

بيد الكفيل

تنشد عليها الناس

هالرايه رفعت راس

رايه وتكَر العين

 

ما تدري للعباس

ما تقدر الأرجاس

تلكَاها عالجفين

 

جدك دخرها

تمحي أثرها

يم الشريعه

 

يا راعي الطلعه الموعوده الطلعه البهيّه
عمك بالرايه المشهوده خاض المنيّه
دافع عنها بكل مجهوده ابهمه وحميّه
وخضعت للعباس وزوده أعوان اميّه
لهاي الرايه انطاها ازنوده أثمن هديّه
لو عنها اتناشد موجوده بالغاضريه

برض الطفوف

 

يم الجفوف

يالمهدي حين اتروح

وتلكَه الجسد مطروح

وكل نايبات البين

 

يم عمّك المذبوح

ومن النحر مسفوح

تلكَاها عالجفين

 

تلكَاها يمّه

عالغبره دمه

يم الشريعه

 

يا من نورك رب القدره طوّل مغيبه
مصرع عمّك حين اتنظره لكَلبك يصيبه
جفوفه اتشاهدها اعله الغبره بالدم خضيبه
جم طعنه اتشوف وجم طبره ابجثته السليبه
مو بس شخصك جري ابكتره ادموع المصيبه
كَبلك حضرت يمه الزهره ابحاله عجيبه

تنعه وتكَول

 

بنت الرسول

عباس الك ونيّت

هاي آنه يمك جيت

ام الغريب حسين

 

يوليدي يالضحيت

واعله الحزن خليت

تلكَاها عالجفين

 

لوليدي دمك

ضلعي اعله جسمك

يم الشريعه

 

من تكَصد للشاطي ابهمك وكَلبك اليسعر
بس ما توصل مصرع عمك وعالجسد تحضر
ما تنظر لن امّك يمك ووالدك حيدر
وتبدي اهناك الزهره اتكلمك يفجع المنظر
اتكَلك يالمهدي آنه امك ضلعي التكسر
يبني وكل شيعتنه اتحشمك يا ساعه تظهر

ظل يستجير

 

ضلعي الكسير

وحيدر يكَلك هاك

تكَطع رقاب اعداك

مطويّه صار اسنين

 

سيف الوغه الفتاك

وراية بدر وياك

تلكَاها عالجفين

 

يبني واريدك

خليّها بيدك

يم الشريعه

 

يالماترتاب وتتوجّل من كل فزعها
يالبيدك سيف الله المنزل هاك استمعها
صرخة شيعي اهموم اتحمل بسمك رفعها
بظهورك لو ربك عجّل اذكر دمعها
وانشد ليش البنت المرسل كسروا ضلعها
وانشد عالجفين وإسأل منهو الكَطعها

صرخة مصاب

 

هم وعذاب

يا من ظهورك عيد

لهل الضلاله ايبيد

تعرف دربها من انين

 

لا تنسه يا صنديد

وتنتظرك من ابعيد

تلكَاها عالجفين

 

سيفك تعهّد

راية محمد

يم الشريعه

 

سيفك سر الاسم الأعظم رمحك شعاره
صوتك عالمنكر لو دمدم يعلن دماره
لا تترك ديّار ومعلم ياخذ قراراه
ضلع امك يالمهدي اتهشم لا تنسه ثاره
وثار الجسمه اتغسّل بالدم ودمه ايتجاره
وعندك يالموعود امخيم ما تطفه ناره

نار ونحيب

 

نوح ولهيب

كل خيمه تلهب نار

نار التشب بالدار

يالمهدي هالنارين

 

ابكَلبك الف تذكار

يم بضعة المختار

تلكَاها عالجفين

 

تركت يغايب

أصل المصايب

يم الشريعه

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016