أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات نحسب محن يالغايب

القسم القسم: الشعر الشعبي الشخص الكاتب: جابر الكاظمي تاريخ الإضافة تاريخ الإضافة: ٢٠١٣/٠٦/١٠ المشاهدات المشاهدات: ٣٤٩٥ التعليقات التعليقات: ٠

نحسب محن يالغايب

جابر الكاظمي

 

نحسب محن يالغايب

 

والدنيه تدري اشبيها

بس انته التصفيها

 

نحسب محن نحسب اهموم و أحزان

مو نار وحده بالضماير نيران

من انين أبدي يالمهدي من انين

 

والدنيه جارت و الدهر بينه خان

وثارات أجدادك طوتها الأزمان

أولها لو تاليها

 

أول مصيبه اللي نعيش اوياها

أمك الزهره هالدهر عاداها

انهض الثارك انهض

 

كسر الضلع للموت ما ننساها

تدري الزمان بيا وضع خلاها

ثارات لا تخليها

 

يبن الحسن أشرح الك ثاني امصاب

سيف ابن ملجم صوبه اشلون اصواب

جدك تصوب جدك

 

امصاب الوصي جدك علي داحي الباب

وبطبرته ساجد وقع بالمحراب

هالطبره شيداويها

 

ثالث مصيبه الصخر من عدها ايذوب

والحسن عمك جبده بالسم مصيوب

جبده تقطع جبده

 

جم دوب تصبر عل المصايب جم دوب

لا تنسه ثارات الحسن يالمحجوب

هالمحنه تعلم بيها

 

يا يوم للثارات تنهض يا يوم

قطعوا نحر جدك غريب و مظلوم

جسمه توذر جسمه

 

ما سامع بكربله اشعملت هالقوم

شايف جسد يتغسل ابجاري ادموم

هالفاجعه و ما بيها

 

وانجان بالطف شمر واحد موجود

ظاهره مسلم يمشي بمر المعبود

بسمك تصيح الأمه

 

آلالاف شفنه مثله ما إلها احدود

لو تكشف الباطن تشوفه نمرود

دنيانه يا مهديها

 

والدنيه طبع الدنيه يبن الأطهار

تقلب انهار بليل و الليل انهار

 

اتخون الشريف و توفي ويه الغدار

و تحسب احساب الشوق ويه الأثمار

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016