أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات مهدينه ننخاك بدموع الحزن

القسم القسم: الشعر الشعبي الشخص الكاتب: محمد علي نادب الحسين تاريخ الإضافة تاريخ الإضافة: ٢٠١٩/٠٣/٢٧ المشاهدات المشاهدات: ١٤٢ التعليقات التعليقات: ٠

مهدينه ننخاك بدموع الحزن

محمد علي نادب الحسين

مهدينه ننخاك بدموع الحزن

 

طال الوعد ناداك صوت الحزن

 

 

 

يالغايب إجرعنه الهضم والغصص

من غيبتك دمع البيابي رخص

يالمنحجب صبرك عجب ما خلص

والشيعه من صبرك يغايب تون

 

طال الوعد ناداك صوت الحزن

 

 

 

ظلينه نحسب وسفه تاه العدد

معرفنه يا يوم الفرج للأبد

بس العرف تاريخه رب الأحد

وظل الأمل بگلوبنه منشحن

 

طال الوعد ناداك صوت الحزن

 

 

 

چم نايبه منها يون الگلب

خلت مدامعنه يغايب تصب

سهم اللي أصعب جرح سهم الغرب

صوبنه رامينه وطحنه طحن

 

طال الوعد ناداك صوت الحزن

 

 

 

بهالحاله إنت الأدره راعي العصر

سهم الغرب جرحه فلا ينجبر

طاغي الزمن تدري كسرنه كسر

والكسر صب ادموعنه اعله الوجن

 

طال الوعد ناداك صوت الحزن

 

 

 

والدمع ما يطفي لهيب الچبد

أمتنه مردوها الأعادي مرد

دفنوا قضيتنه كدفن الوأد

والجرح ما يستسلم لا لا تظن

 

طال الوعد ناداك صوت الحزن

 

 

 

وإنت يمهدينه إمام الحنون

يا يوم بظهورك تگر العيون

واتنجي هاي الشيعه من الخؤون

طاغي العصر جرعنه ذل ووهن

 

طال الوعد ناداك صوت الحزن

 

 

 

يالغايب وتدري اشجره وشحصل

بالإنتفاضه اشچم مجاهد چتل

من شيعة الكرار حامي الدخل

وهدم ضريح المرتضه بالعلن

 

طال الوعد ناداك صوت الحزن

 

 

 

بالغاضريه اشحصل يلمنحجب

بالنار حرگوا دورها تلتهب

وشبانها متوسده اعله الترب

واضريح لحسين انقصف ما تحن

 

طال الوعد ناداك صوت الحزن

 

 

 

وچم مجزره برض الوطن قائمه

ذبحوا شعبنه الزمرة الغاشمه

چي شيعه وانحب علي حامي الحمه

مهدينه ننخاك ابدموع الجفن

 

طال الوعد ناداك صوت الحزن

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016