أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات من ينصرها من ينصرها

القسم القسم: الشعر الشعبي الشخص الكاتب: السيد هاشم البعاج تاريخ الإضافة تاريخ الإضافة: ٢٠١٨/٠٧/١٦ المشاهدات المشاهدات: ٥٠٢ التعليقات التعليقات: ٠

من ينصرها من ينصرها

السيد هاشم البعاج

من ينصرها من ينصرها

نتأمل تحضر تحمينه

من ينصرها من ينصرها

 

هاي الشيعه من ينصرها
شيعه ونندب يا مهدينه
هاي الشيعه من ينصرها

 

 

 

يا مهدينه انريد انعاتب كلنه اصرخنه ابصوت اعتاب
ناديناك ابحسرة عاشگ يا بدر الطول بغياب
ردناك بحنيت والد تمسح مدمعنه السچاب

هاك إنظرها هاك إنظرها

آمالي وآلامي انجمعت

من ينصرها من ينصرها

 

إدموع الحسره
دمعتنه اعله الخد انطبعت

هاي الشيعه من ينصرها

 

 

 

حبكم بينه فجر ثوره من دم حسين الآثار
للسيف انقابل بدمانه بصدور انواجه للثار
لاچن كثره اعلينه اعداكم وأكثر من عدهم لخطار

من يزجرها من يزجرها

عدوانك بجموع إلتمت

من ينصرها من ينصرها

 

گوم إعداكم من يزجرها
تذبح للوالاك اهتمت
هاي الشيعه من ينصرها

 

 

 

دمنه السايل بيه اگصدنه صوب حسين وللعباس
ندريكم دوم ابكل شده انتوا الملجأ والحراس
واندبناك ابحضرة حيدر صاحت يا مهدينه الناس

يالتحضرها يالتحضرها

تحضر واتخلص هالشده

من ينصرها من ينصرها

 

يوم الكلفه يالتحضرها
والصبر الكل حد اتعده
هاي الشيعه من ينصرها

 

 

 

ترضه حسين اتهدم گبره يا بو الهمه اشلون وچيف
مرقد عباس يضربونه نعتب احنه انگلك حيف
ما تطلب ثارك يا هيبه گاعد ما جردت السيف

گوم إنشرها گوم إنشرها

تنهض يمته اتسل بتارك

من ينصرها من ينصرها

 

رايت ثارك گوم إنشرها
تطلب من اعداك ابثارك
هاي الشيعه من ينصرها

 

 

 

حضرت اجدادك ضربونه خلو دمنه اعله التربان
عادوا يوم الطف اعلينه عاد يزيد ابكل عدوان
عاد حسين وذاك امصابه عاد الماضي ذاك الچان

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016