أقسام المكتبة الادبية
 قصيدة مختارة:
 البحث في المكتبة الأدبية:
 احصائيات المكتبة الأدبية:
 الشعر الشعبي

المقالات خبر هالليله عندي

القسم القسم: الشعر الشعبي الشخص الكاتب: عبد الخالق المحنة تاريخ الإضافة تاريخ الإضافة: ٢٠١٧/٠٨/٢١ المشاهدات المشاهدات: ٣٢٥٨ التعليقات التعليقات: ٠

خبر هالليله عندي

السيد عبد الخالق المحنة

خبر هالليله عندي

يلوگ إبراسك التاج

  نسيم الفرحه يبدي
يبو الغيره يمهدي
     

تشع هالليله أنوار الكرامه

حبيبي اتوّج ابتاج الإمامه

بده دمع الفرح يرسم علامه

مته تجبر كسر گلب اليتامه

علن جيش التكبر بانتقامه

إذا ما تنتهض ما كو إستقامه

عجب يبن الصميده

قريبه والگلب لاج

 

خصومك مو بعيده

يبو الغيره يمهدي

     

مثلما بايعت حيدر أميري

يمهدي بايعك گلبي وضميري

إمام إبيعتك أعرف مصيري

ابحياتي و بالممات إنت مجيري

أنا إبحبي إلك ما صح نظيري

عله إجناح الفرح يا روحي طيري

وجوب أعلن كلامي

دموع الفرحه أمواج

 

أبايع يا إمامي

يبو الغيره يمهدي

     

مهدي الناصبه دوله يريدون

يريدون بأرض حيدر يحكمون

قصدهم واضح و گدام العيون

أبد غير الروافض ما يكرهون

أسود الرافضه لمن يزعلون

على روس التضد حيدر يدوسون

ولد حيدر غياره

بحرهم بالزعل هاج

 

بقوا رهن الإشاره

يبو الغيره يمهدي

     

حدود إبلا حدود و يا حسافه

بني هنده إجونه إبكل صلافه

لگوا ببلادنه أجمل ضيافه

شمر ويَّ الشمر صار إإتلافه

همج بس بالذبح عدهم ثقافه

أبد من الله ما عدهم مخافه

نگلهم إحنه شيعه

خل تتقطع أوداج

 

وطنه ما نبيعه

يبو الغيره يمهدي

     

جنود الله جنودك بانتظارك

تزودهم عزم لمعة فقارك

أسف يبن الحسن وصلوا الدارك

مته تنهض يمهدي يصيح ثارك

يبو صالح تذلهم بانتصارك

جنودك تنتظر منك قرارك

رغم أنف السقيفه

علي وما غيره نحتاج

 

علي أول خليفه

يبو الغيره يمهدي

     

مته نتوحد إعله الصار ضدنه

نجيهم جيه وحده إبكل عددنه

نگص رجل الذي يوصل الحدنه

جيوش الدنيه ما تقدر تردنه

حجينه واحد وواحد عهدنه

تره غيرة علي و عباس عدنه

إذا يلتم شملنه

إبحكمنه ما كو إفراج

 

يموت اليوصل إلنه

يبو الغيره يمهدي

التقييم التقييم:
  ٠ / ٠.٠
 التعليقات
لا توجد تعليقات.

الإسم: *
الدولة:
البريد الإلكتروني:
النص: *

 

Specialized Studies Foundation of Imam Al-Mahdi (A-S) © 2016